ករណីចាក់ដីលុបឆ្នេរសមុទ្រជាករណីដែលកំពុងធ្វើឲ្យអភិបាលខេត្តព្រះសីហនុ លោក យន្ត មីន ឈឺក្បាលជាខ្លាំង បូកជាមួយករណីមួយចំនួនធំទៀតដូចជា ភាពអាណាធិបតេយ្យរបស់ជនជាតិ បញ្ហាបង្ហូរទឹកស្អុយចូលសមុទ្រ បង្ហាញសំរាម និងសេវាកម្ម នៅក្នុងខេត្តឆ្នេរសមុទ្រស្អាតមួយនេះ។ថ្មីនេះៗ តាមរយៈលិខិតចុះថ្ងៃទី១៧ ខែធ្នូ ឆ្នាំ២០១៨ អភិបាលខេត្តព្រះសីហនុលោក យន្ត មីន បានប្រាប់ទៅ ឧកញ៉ាម្នាក់ដែលជាប្រធានក្រុមហ៊ុន អេច.ធី.ធី.អេច អាយលែនអ៊ិនវិសមេន ឯ.ក បាន ស្នើរ សុំឲ្យឧកញ៉ាម្នាក់ឈប់ចាក់ដីលុបឆ្នេរនៅឧទ្យានជាតិព្រះសីហនុ «រាម»តទៅទៀត។លិខិតនោះបានឲ្យដឹងថា កាលពីថ្ងៃទី១៧ ខែមេសា ឆ្នាំ២០១៨ ក្រុមហ៊ុននេះ បានស្នើសុំសាងសង់កំពង់ចម្លងមួយជាលក្ខណៈបណ្ដោះអាសន្ន ហើយរដ្ឋបាលខេត្តក៏យល់ព្រម ដោយឲ្យក្រុមហ៊ុនជីកយកដីសាងសង់ផ្លូវលំក្រាលក្រួសក្រហមដែលមានទីតាំងស្ថិតនៅភូមិកោះខ្យង ឃុំអូរជ្រៅ ស្រុកព្រៃនប់។នៅក្នុងលិខិតបានបញ្ចាក់ថា ដើម្បីចៀសវាងនូវផលប៉ះពាល់អវិជ្ជមានផ្សេងៗជាយថាហេតុ រដ្ឋបាលខេត្ដព្រះសីហនុ ក៏បានណែនាំទៅម្ចាស់ក្រុមហ៊ុនបំពេញនូវលក្ខខណ្ឌមួយចំនួនមុននឹងសាងសង់ ប៉ុន្តែក្រុមហ៊ុនពុំបានអនុវត្ដស្របតាមឡើយ។លិខិតថា៖ «ស្របជាមួយនឹងសកម្មភាពករណីការជីកយកអាចម៍ដីទៅចាក់ធ្វើផ្លូវក្រាលក្រួសក្រហមរបស់ក្រុមហ៊ុនលោកឧកញ៉ា ក្រសួងបរិស្ថានពិនិត្យឃើញថា បានធ្វើឲ្យប៉ះពាល់ដល់បរិស្ថានយ៉ាងធ្ងន់ធ្ងរ ជាពិសេសធ្វើឲ្យខូចទីជម្រាលប៉ះពាល់ជីវចម្រុះនិងប្រព័ន្ធអេកូឡូស៊ីក្នុងតំបន់ឆ្នេរ»។សូមរំលឹកថា កាលពីថ្ងៃទី១៨ ខែកញ្ញា ប្រមខុរាជរដ្ឋាភិបាលកម្ពុជា សម្ដេចអគ្គមហាសេនាតីបតេជោ ហ៊ុន សែន បានចេញបញ្ជាបន្ទាន់មួយឲ្យក្រសួងរៀបចំដែនដីចាត់វិធានការកាយដីចេញពីឆ្នេរព្រែកត្រែងស្ថិតនៅភូមិ៤ ឃុំអូរត្រេះ ស្រុកស្ទឹងហាវ ខេត្តព្រះសីហនុ ចេញវិញ បន្ទាប់រកឃើញថាឆ្នេរសមុទ្រមួយនេះត្រូវបានចាក់ដីលុបពីសំណាក់ក្រុមហ៊ុនរបស់អ្នកស្រី ជឹង សុភាព ភរិយារបស់លោក ឡៅ ម៉េងឃីន សមាជិកព្រឹទ្ធសភាមកពីគណបក្សប្រជាជនកម្ពុជា។ ដោយឡែកកាលពីថ្ងៃទី១៥ ខែធ្នូ សម្ដេច ហ៊ុន សែន បានបញ្ជាផ្ទាល់មាត់ឲ្យអភិបាលខេត្តព្រះសីហនុស្តារមុខមាត់ខេត្តនេះឡើងវិញ និងទប់ស្កាត់កុំឲ្យមានសកម្មភាពចាក់ដីលុបសមុទ្របន្តទៀត៕
ចំនួនអ្នកទស្សនា
ព័ត៌មានគួរចាប់អារម្មណ៍
រកឃើញហើយជនរងគ្រោះ៥នាក់លង់ទឹកសមុទ្រនៅឆ្នេរជំទាវម៉ៅ ខាងក្រោមដើមឈើចាំស្នេហ៍ កាលពីរសៀលម្សិលមិញនោះ ក្រុមជួយសង្គ្រោះបានរកឃើញអស់ហើយ ក្នុងនោះស្លាប់៤នាក់ និងម្នាក់ទៀតសំណាងល្អរួចផុតពីគ្រោះថ្នាក់ដល់អាយុជីវិត។ (សហការី)
ពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិមន្រ្តីនគរបាលជាតិ...... (សហការី)
ឯកឧត្តម ឧត្តមសេនីយ៍ឯក ឯក សំអូនសមាជិកគណៈអចិន្ត្រៃយ៍ សមាគមអតីតយុទ្ធជនកម្ពុជា បានចូលរួមក្នុងកិច្ចប្រជុំគណៈអចិន្រ្តៃយ៍.ស.អ.ក ក្រោមអធិបតីភាពឯកឧត្តមនាយឧត្តមសេនីយ៍ គន់ គីមទេសរដ្ឋមន្រ្តីអនុប្រធានទីមួយនឹងជាអគ្គលេខាធិការ.ស.អ.ក កម្ពុជា (សហការី)
តើលោក ប៉ែន កុសល្យ អភិបាលខេត្តគិតយ៉ាងណាចំពោះលោកវ៉ាន់ ក្ដេរ គយច្រកអន្តរជាតិអូរស្មាច់កំពុងប្រព្រិត្តអំពើរពុករលួយ គាបសង្កត់ពលរដ្ឋនិងឃុបឃិតជាមួយក្រុមឈ្មួញឲ្យដឹកធ្យូងឆ្លងដែនខុសច្បាប់ចូលទៅក្នុងប្រទេសថៃព្រោះតែលាភសការះ (សហការី)
ជំនួបរវាងអ្នកសារព័ត៌មានជាមួយសម្តេចតេជោ ហ៊ុន សែន ក្នុងឆ្នាំនេះ នឹងអញ្ជើញរដ្ឋមន្ត្រីគ្រប់ក្រសួង និងសមាជិកឧត្តមក្រុមប្រឹក្សាពិគ្រោះ និងផ្តល់យោបល់ឱ្យចូលរួមដែរ (សហការី)
វីដែអូ