ខេត្តសៀមរាប៖ប្រហែលជាមានខ្នងបង្អែកតាមជួយជ្រោងជ្រែងហើយមើលទៅបានជាលោក សុខ សុដារ៉ា ប្រធានសាខាគយខេត្តសៀមរាប និងលោក ម៉ៅ សាមឿន មេគយចល័តខេត្តសៀមរាប ហានឃុបឃិតគ្នាធ្វើអ្វីៗបានតាមតែអំពើចិត្តបែបរបៀបពុករលួយបែបនេះ។ប្រភពស្និទ្ធនឹងលោក សុខ សុដារ៉ា បានឲ្យដឹងថា ប្រសិនបើគ្មានការឃុបឃិតបើកដៃពីសំណាក់លោក សុខ សុដារ៉ា ទេនោះគឺឈ្មួញមិនអាចនាំចូលទំនិញគេចពន្ធ ទំនិញបង់ពន្ធមិនគ្រប់ ពីប្រទេសសៀម និងប្រទេសយួន មកលក់ចែកចាយពេញទីផ្សារក្នុងខេត្តសៀមរាប បានឡើយ។លោក គុណ ញឹម ដែលជាអគ្គនាយកនៃអគ្គនាយកដ្ឋានគយ និងរដ្ឋាករកម្ពុជា បានរក្សាភាពស្ងៀមស្ងាត់ទុកឲ្យលោក សុខ សុដារ៉ា ប្រធានសាខាគយខេត្តសៀមរាប និងលោក ម៉ៅ សាមឿន មេគយចល័តខេត្តសៀមរាប ឃុបឃិតគ្នាប្រព្រឹត្តអំពើពុករលួយយ៉ាងពេញបន្ទុក។ប្រភពពីមន្ត្រីគយនៅក្នុងខេត្តសៀមរាប មួយចំនួនបានបង្ហើបឲ្យដឹងថា លោក សុខ សុដារ៉ា ប្រធានសាខាគយខេត្តសៀមរាប និងលោក ម៉ៅ សាមឿន មេគយចល័តខេត្តសៀមរាប ឃុបឃិតគ្នាប្រព្រឹត្តអំពើពុករលួយកាន់តែខ្លាំងក្លា ដោយគ្មានញញើតអ្វីទាំងអស់។ប្រភពបានឲ្យដឹងទៀតថា ដោយសារអំពើពុករលួយយ៉ាងពេញបន្ទុករបស់លោក សុខ សុដារ៉ា និងលោក ម៉ៅ សាមឿន នោះហើយទើបឈ្មួញមួយចំនួនអាចនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ពីប្រទេសសៀម និងប្រទេសយួនមកលក់ចែកចាយពេញទីផ្សារក្នុងខេត្តសៀមរាប។ប្រសិនបើគ្មានការឃុបឃិតពីលោក សុខ សុដារ៉ា ដែលជាប្រធានសាខាគយខេត្តសៀមរាប និងពីលោក ម៉ៅ សាមឿន មេគយចល័តខេត្តសៀមរាប ទេនោះគឺគ្មានឈ្មួញណាអាចដឹកជញ្ជូនទំនិញគេចពន្ធ ទំនិញខុសច្បាប់ពីច្រកព្រំដែនខ្មែរ-សៀម និងច្រកព្រំដែនខ្មែរ-យួន ចូលមកលក់ចែកចាយតាមទីផ្សារក្នុងខេត្តសៀមរាប យ៉ាងរៀលដាលដូចសព្វថ្ងៃនេះទេ។បើតាមប្រភពដែលស្និទ្ធនឹងលោក សុខ សុដារ៉ា បានឲ្យដឹងថា ដោយសារអាងមានខ្នងបង្អែកយ៉ាងរឹងមាំនៅក្នុងក្រសួងសេដ្ឋកិច្ចនិងហិរញ្ញវត្ថុ ក៏ដូចជានៅក្នុងអគ្គនាយកដ្ឋានគយនិងរដ្ឋាករកម្ពុជា ទើបលោក សុខ សុដារ៉ា ហ៊ានធ្វើអ្វីៗតាមអំពើចិត្តគ្មានញញើតអ្វីទាំងអស់។ទន្ទឹមនឹងនេះសូម្បីតែលោក អូន ព័ន្ធមុនីរ័ត្ន ដែលជារដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ក៏ធ្វើមិនដឹងមិនឮចំពោះករណីលោក សុខ សុដារ៉ា និងលោក ម៉ៅ សាមឿន ឃុបឃិតគ្នាប្រព្រឹត្តអំពើពុករលួយយ៉ាងគឃ្លើននោះឡើយ។ប្រភពពីឈ្មួញដែលដឹកជញ្ជូនទំនិញគេចពន្ធ ទំនិញបង់ពន្ធមិនគ្រប់ពីច្រកព្រំដែនខ្មែរ-សៀម ក្នុងខេត្តបន្ទាយមានជ័យ និងខេត្តឧត្ដរមានជ័យ ចូលមកខេត្តសៀមរាប បានឲ្យដឹងថា ពួកគេបង់លុយតាមការកំណត់របស់លោក សុខ សុដារ៉ា ប្រធានសាខាគយខេត្តសៀមរាប និងលោក ម៉ៅ សាមឿន មេគយចល័តខេត្តសៀមរាប ទើបអាចចៀសផុតពីការបង្ក្រាប ហើយយកទៅលក់ចែកចាយតាមទីផ្សារនិងផ្សារទំនើបៗក្នុងខេត្តសៀមរាប។រីឯក្រុមឈ្មួញដែលដឹកជញ្ជូនទំនិញគេចពន្ធ ទំនិញបង់ពន្ធមិនគ្រប់ពីស្រុកយួនមកលក់ចែកចាយតាមទីផ្សារនៅក្នុងខេត្តសៀមរាប និងផ្សារទំនើបក្នុងខេត្តសៀមរាប បានឲ្យដឹងថា ទាល់តែបង់លុយលើតុក្រោមតុតាមការកំណត់របស់លោក សុខ សុដារ៉ា និងលោក ម៉ៅ សាមឿន ទើបអាជីវកម្មរបស់ពួកគេអាចប្រព្រឹត្តទៅដោយរលូនគ្មានឧបសគ្គ។ ដូច្នេះហើយទើបមាន សេចក្ដីអំពាវនាវ ឲ្យលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ បើកការស៊ើបអង្កេតឲ្យបានស៊ីជម្រៅទៅលើរឿងអាស្រូវពុករលួយរបស់មេគយខេត្តសៀមរាប ជាបន្ទាន់ព្រោះពួកគេកំពុងឃុបឃិតគ្នាបង្កើនសកម្មភាពប្រព្រឹត្តអំពើពុករលួយយ៉ាងពេញបន្ទុក។ពាក់ពន្ធ័ករណីខាងលើនេះដែរអង្គភាព គេហទំព័រ PCM hotnews មិនអាចសុំការបំភ្លឺណាមួយពីលោក សុខ សុដារ៉ា និងលោក ម៉ៅ សាមឿន បានទេ ដោយមិនមានលេខទូរស័ព្ទ តែទោះយ៉ាងនេះក្តីអង្គភាពយើងខ្ញុំរងចាំការបំភ្លឺពីលោករាល់ម៉ោងធ្វើការ៕
ចំនួនអ្នកទស្សនា
ព័ត៌មានគួរចាប់អារម្មណ៍
រកឃើញហើយជនរងគ្រោះ៥នាក់លង់ទឹកសមុទ្រនៅឆ្នេរជំទាវម៉ៅ ខាងក្រោមដើមឈើចាំស្នេហ៍ កាលពីរសៀលម្សិលមិញនោះ ក្រុមជួយសង្គ្រោះបានរកឃើញអស់ហើយ ក្នុងនោះស្លាប់៤នាក់ និងម្នាក់ទៀតសំណាងល្អរួចផុតពីគ្រោះថ្នាក់ដល់អាយុជីវិត។ (សហការី)
ពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិមន្រ្តីនគរបាលជាតិ...... (សហការី)
ឯកឧត្តម ឧត្តមសេនីយ៍ឯក ឯក សំអូនសមាជិកគណៈអចិន្ត្រៃយ៍ សមាគមអតីតយុទ្ធជនកម្ពុជា បានចូលរួមក្នុងកិច្ចប្រជុំគណៈអចិន្រ្តៃយ៍.ស.អ.ក ក្រោមអធិបតីភាពឯកឧត្តមនាយឧត្តមសេនីយ៍ គន់ គីមទេសរដ្ឋមន្រ្តីអនុប្រធានទីមួយនឹងជាអគ្គលេខាធិការ.ស.អ.ក កម្ពុជា (សហការី)
តើលោក ប៉ែន កុសល្យ អភិបាលខេត្តគិតយ៉ាងណាចំពោះលោកវ៉ាន់ ក្ដេរ គយច្រកអន្តរជាតិអូរស្មាច់កំពុងប្រព្រិត្តអំពើរពុករលួយ គាបសង្កត់ពលរដ្ឋនិងឃុបឃិតជាមួយក្រុមឈ្មួញឲ្យដឹកធ្យូងឆ្លងដែនខុសច្បាប់ចូលទៅក្នុងប្រទេសថៃព្រោះតែលាភសការះ (សហការី)
ជំនួបរវាងអ្នកសារព័ត៌មានជាមួយសម្តេចតេជោ ហ៊ុន សែន ក្នុងឆ្នាំនេះ នឹងអញ្ជើញរដ្ឋមន្ត្រីគ្រប់ក្រសួង និងសមាជិកឧត្តមក្រុមប្រឹក្សាពិគ្រោះ និងផ្តល់យោបល់ឱ្យចូលរួមដែរ (សហការី)
វីដែអូ