សម្តេច ហ៊ុន សែន លោកបានប្រកាសប្រាប់ជនរួមជាតិថា កុំឲ្យខ្វល់លេីបញ្ហាបាត់បង់ប្រព័ន្ធអនុគ្រោះពន្ធរបស់ ( EBA) ឡេីយ
សម្តេចនាយករដ្ឋមន្រ្តី ហ៊ុនសែន ក្នុងឱកាសអញ្ចើញបិទសន្និបាតបូកសរុបការងាររបស់ក្រសួងមហាផ្ទៃ នៅរសៀលថ្ងៃទី១៤ខែកុម្ភៈនេះថ្លែងចាត់ទុកថាការរកស៊ីបង់ពន្ធអោយគេនឹងគេបង់ពន្ធអោយវិញគឺជារឿងចៀសមិនរួចឡើយ។ដូច្នេះវាមានលក្ខណៈថ្លៃថ្នូរនឹងមានស្ថេរភាពទៀតផង។សម្តេចហ៊ុនសែនក៏បានប្រកាសដល់ជនរួមជាតិទំាងអស់កុំខ្វល់លើបញ្ហាការបាត់បង់ប្រព័ន្ធអនុគ្រោះពន្ធគ្រប់ទំនិញទំាងអស់លើកលែងតែអាវុធ EBAទៅកាន់សហភាពអ៊ឺរ៉ុប ខណៈដែលរាជរដ្ឋាភិបាលបានកំពុងកែទម្រង់ស៊ីជម្រៅផ្ទៃក្នុងជាច្រើនដែលធ្វើឲ្យសេដ្ឋកិច្ចកម្ពុជានៅតែមានភាពប្រកួតប្រជាខ្ពស់។សម្តេចតេជោហ៊ុន សែនបានមានប្រសាសន៍ថា បើទើបីជាបាត់ឬនៅមានបន្ត EBA ក៏មិនអាចធ្វើឲ្យកម្ពុជាស្លាប់ឬក្លាយជាអ្នកមានបានដែរ។ដោយសារតែមុននឹងក្រោយEBAនេះ គង់តែបាត់ដូចគ្នាគ្រាន់តែយូរនិងឆាប់ប៉ុណ្ណោះ។ប្រមុខរដ្ឋាកម្ពុជាបានអះអាងថារាជរដ្ឋាភិបាលនឹងប្រើប្រាស់គ្រប់មធ្យោបាយធ្វើយ៉ាងណាអោយសេដ្ឋកិច្ចកម្ពុជាកាន់តែមានភាពប្រកួតប្រជែងកាន់តែខ្លំាងឡើង ហើយពង្រឹងឯករាជ្យភាពខាងនយោបាយ ដោយមិនយកអធិបតេយ្យភាពរបស់កម្ពុជា ទៅដោះដូរជាមួយជំនួយណាមួយនោះឡើយ ហើយកម្ពុជាប្រែក្លាយការប្រឈមឲ្យទៅជាឱកាស ជាកាលានុវឌ្ឍភាពនៃការឈានឡើងរបស់សេដ្ឋកិច្ចជាតិផងដែរ៕