ខេត្តបន្ទាយមានជ័យ៖ ក្រុមទាហ៊ានថៃ បានយកត្រាក់ទ័រមួយគ្រឿង មកបញ្ជាឲ្យប្រជាពលរដ្ឋខ្មែរ ដកដំឡូងមី ចេញពីបន្ទាត់ព្រំដែន នៅនៅត្រង់និយាមកា 257026-1530208 ដល់ និយាមកា 257413-1530599 ចន្លោះបង្គោលសីមាលេខ ៤២-៤៣ មុខភូមិសាស្ត្រភូមិល្បើកស្វាយ ឃុំស្វាយចេក ស្រុកស្វាយចេក ខេត្តបន្ទាយមានជ័យ (កម្ពុជា) ទល់មុខភូមិណងយ៉ាកែវ ឃុំគោកធ្យូង ស្រុកគោកធ្យូង ខេត្តស្រះកែវ (ថៃ) ។យោងតាមរបាយការណ៏របស់សមត្ថកិច្ចកម្ពុជា បានឲ្យដឹងថា កាលពីម៉ោង០៨ព្រឹក ថ្ងៃទី១៦ ខែកុម្ភ: ឆ្នាំ២០១៩ មានក្រុមទាហ៊ានប៉ារ៉ា និងតម្រួត ត.ឆ.ដ សរុបចំនួន ២៩នាក់ ជាមួយត្រាក់ទ័រ០១គ្រឿង ដឹកនាំដោយលោកអនុសេនីយ៍ទោ ស៊ីលីលើក ផានិតចំរើន មេបញ្ជាការកងអនុសេនាតូចនៃកងអនុសេនាធំលេខ១២៦ (ថៃ) បានចុះមកតវ៉ាជាមួយប្រជាពលរដ្ឋកម្ពុជា ឲ្យដកដំឡូងចេញជាបន្ទាន់នៅចំណុចខាងលើរួមទាំងកំណត់ ជម្រៅ១៥០ម៉ែត្រ ប្រវែង ៥៥០ម៉ែត្រ រ៉បតាមផ្លូវគ្រួសក្រហម(សម័យកងទ័ពប៉ារ៉ាឈជើង) ។របាយការណ៍ដដែលបានបញ្ជាក់ថា ដោយមានការសម្របសម្រួលពីសមត្ថកិច្ច កម្លាំងវរសេនាតូច៩១១ ចំនួន១០នាក់ ដឹកនាំដោយលោកអនុសេនីយ៍ឯក ពុត រុណ នាយប៉ុស្ដិ៍ថ្នល់បំបែក ក្រោមការបញ្ជារណែនាំពីលោកវរសេនីយ៍ត្រី សួន បូរ៉ាមេបញ្ជាការសេនាធិការ កម្លាំងយោធាកងការពារព្រំដែន៥០៣ ចំនួន០៥នាក់ដឹកនាំដោយលោកអនុសេនីយ៍ឯក យី យ៉ា មេបញ្ជាការរងកងល្បាត២ និងអាជ្ញាធរភូមិ/ឃុំ/ស្រុក សុំដកតែជម្រៅ៥០ម៉ែត្រ ប្រវែង៥៥០ម៉ែត្រ ខាងភាគីថៃបានឯកភាពយល់ព្រម ពលរដ្ឋដែលជាម្ចាស់ដំណាំ បានសុខចិត្តដកតែសុំរយះពេល០១សប្តាហ៍ដើម្បីដកឲ្យរួច និងបញ្ចប់រឿង ។ជុំវិញករណីនេះលោកអភិបាលស្រុកស្វាយចេកលឿង សុភក្ត័ ប្រាប់ថា លោកទទួលបានព័ត៌មាននេះដែរ តែមិនទាន់គ្រប់ជ្រុងជ្រោយ ម្យ៉ាងទៀតលោកជាប់រវល់ខ្លាំងចាំដល់ថ្ងៃច័ន្ទទើបលោកបកស្រាយជុំវិញករណីនេះ ៕
ចំនួនអ្នកទស្សនា
ព័ត៌មានគួរចាប់អារម្មណ៍
រកឃើញហើយជនរងគ្រោះ៥នាក់លង់ទឹកសមុទ្រនៅឆ្នេរជំទាវម៉ៅ ខាងក្រោមដើមឈើចាំស្នេហ៍ កាលពីរសៀលម្សិលមិញនោះ ក្រុមជួយសង្គ្រោះបានរកឃើញអស់ហើយ ក្នុងនោះស្លាប់៤នាក់ និងម្នាក់ទៀតសំណាងល្អរួចផុតពីគ្រោះថ្នាក់ដល់អាយុជីវិត។ (សហការី)
ពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិមន្រ្តីនគរបាលជាតិ...... (សហការី)
ឯកឧត្តម ឧត្តមសេនីយ៍ឯក ឯក សំអូនសមាជិកគណៈអចិន្ត្រៃយ៍ សមាគមអតីតយុទ្ធជនកម្ពុជា បានចូលរួមក្នុងកិច្ចប្រជុំគណៈអចិន្រ្តៃយ៍.ស.អ.ក ក្រោមអធិបតីភាពឯកឧត្តមនាយឧត្តមសេនីយ៍ គន់ គីមទេសរដ្ឋមន្រ្តីអនុប្រធានទីមួយនឹងជាអគ្គលេខាធិការ.ស.អ.ក កម្ពុជា (សហការី)
តើលោក ប៉ែន កុសល្យ អភិបាលខេត្តគិតយ៉ាងណាចំពោះលោកវ៉ាន់ ក្ដេរ គយច្រកអន្តរជាតិអូរស្មាច់កំពុងប្រព្រិត្តអំពើរពុករលួយ គាបសង្កត់ពលរដ្ឋនិងឃុបឃិតជាមួយក្រុមឈ្មួញឲ្យដឹកធ្យូងឆ្លងដែនខុសច្បាប់ចូលទៅក្នុងប្រទេសថៃព្រោះតែលាភសការះ (សហការី)
ជំនួបរវាងអ្នកសារព័ត៌មានជាមួយសម្តេចតេជោ ហ៊ុន សែន ក្នុងឆ្នាំនេះ នឹងអញ្ជើញរដ្ឋមន្ត្រីគ្រប់ក្រសួង និងសមាជិកឧត្តមក្រុមប្រឹក្សាពិគ្រោះ និងផ្តល់យោបល់ឱ្យចូលរួមដែរ (សហការី)
វីដែអូ