ខេត្តកោះកុង៖ លោកសំ កុសលប្រធានសាខាគយខេត្តកោះកុងមួយរយៈនេះកំពុងល្បីល្បាញកាន់តែខ្លាំងខាងប្រព្រឹត្តអំពើពុករលួយឃុបឃិតបើកដៃឲ្យឈ្មួញ នាំចូលទំនិញគេចពន្ធ ទំនិញខុសច្បាប់ និងទំនិញបង់ពន្ធមិនគ្រប់ កាន់តែច្រើនឡើងៗ។ ការដែលលោក សំ កុសល ហ៊ានប្រព្រឹត្តអំពើពុករលួយ ដោយមិនញញើតច្បាប់បែបនេះ ដោយសារអាងខ្នងធំជាងលោកគុណ ញឹមអគ្គនាយកគយ ទៅទៀត។ប្រភពពីមន្ត្រីនៅច្រកទ្វារអន្តរជាតិចាំយាម ក៏ដូចជានៅច្រកប៉ាក់ខ្លង បង្ហើបប្រាប់ឲ្យដឹងថា ភាគច្រើននៃទំនិញនាំចូលតាមច្រកទាំងនេះ បង់ពន្ធត្រឹមតែ២៥ទៅ៣០ភាគប៉ុណ្ណោះ ហើយក្រៅពីនេះ ត្រូវធ្លាក់ទៅក្នុងហោប៉ៅលោក សំ កុសល យ៉ាងត្រជាក់ចិត្តល្ហឹមហ្មង!។ ហេតុនេះហើយ ទើបមានការអំពាវនាវឲ្យលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ក៏ដូចជាលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ ចាត់វិធានការទប់ស្កាត់អំពើពុករលួយរបស់លោក សំ កុសល។ ប្រភពពីមន្ត្រី និងភ្នាក់ងារគយ ក្នុងខេត្តកោះកុង មួយចំនួន បានឲ្យដឹងថា មកដល់ពេលនេះ នៅតែមានឈ្មួញធំៗជាច្រើននាក់ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់ពីទឹកដីថៃ ចូលទឹកដីខ្មែរ តាមច្រកទ្វាភាគីអន្តរជាតិចាំយាម និងច្រកផ្លូវសមុទ្រជាច្រើនកន្លែងទៀតយ៉ាងពេញបន្ទុក។ ការដែលឈ្មួញទាំងនោះ អាចធ្វើអ្វីៗតាមអំពើចិត្ត គឺមានការឃុបឃិតបើកដៃពីសំណាក់លោក សំ កុសល ដែលកំពុងប្រើតួនាទី និងអំណាច ដើម្បីប្រមូលលុយតាមរបៀបពុករលួយ ដោយគ្មានញញើតអ្វីទាំងអស់។ចំណែកប្រភពពីមន្ត្រីគយនៅក្នុងអគ្គនាយកដ្ឋានគយ និងរដ្ឋាករមួយចំនួន ក៏បានបង្ហើបឲ្យដឹងដែរថា ការដែលលោក សំ កុសល ហ៊ានធ្វើអ្វីៗតាមអំពើចិត្ត គឺដោយសារអាងមានខ្នងបង្អែកធំជាងលោក គុណ ញឹម ដែលជាអគ្គនាយកគយទៅទៀត ហើយខ្នងបង្អែករបស់លោក សំ កុសល អាចបញ្ជាលើលោក គុណ ញឹម ទាំងយប់ទាំងថ្ងៃទៀតផង។តាមការអះអាងរបស់មន្ត្រីមួយចំនួន ដែលបម្រើការងារនៅច្រកទ្វាអន្តរជាតិចាំយាម និងច្រកស្រែអំបិល ក៏ដូចជាច្រកប៉ាក់ខ្លង បានឲ្យដឹងថា ទំនិញគេចពន្ធ និងទំនិញបង់ពន្ធមិនគ្រប់ ដែលឈ្មួញសម្រុកដឹកជញ្ជូនពីទឹកដីថៃនោះ មានដូចជា ស្រាបៀរច្រើនប្រភេទ ភេសជ្ជៈ ទំនិញចាប់ហួយ គ្រឿងសំណង់ និងគ្រឿងសំអាងជាដើម។ ទន្ទឹមនឹងនេះ មានឈ្មួញមួយចំនួន នាំចូលម៉ូតូទំនើបៗ គេចពន្ធ និងរថយន្តទំនើបៗគេចពន្ធផងដែរ។ ដោយសារមានការឃុបឃិតបើកដៃពីសំណាក់លោក សំ កុសល ដែលគិតតែពីរឿងផលប្រយោជន៍ផ្ទាល់ខ្លួន។ក្នុងនោះ ទំនិញចាប់ហួយច្រើនប្រភេទ ត្រូវឈ្មួញនាំចូលតាមច្រកស្រែអំបិល ច្រកប៉ាក់ខ្លង ដោយដឹកជញ្ជូនតាមទូកធំៗ ហើយសាងដាក់រថយន្តយកទៅចែកចាយឲ្យម៉ូយក្នុងទីរួមខេត្តកោះកុង និងមួយផ្នែកធំ ដឹកជញ្ជូនចូលទៅដល់រាជធានីភ្នំពេញ។ប្រភពដែលស្និទ្ធនឹងលោក សំ កុសល ប្រធានសាខាគយខេត្តកោះកុង ឲ្យដឹងថា មន្ត្រី និងភ្នាក់ងារគយតូចតាច មិនហ៊ានតវ៉ាប្រឆាំងទៅនឹងអំពើពុករលួយរបស់លោក សំ កុសល នោះទេ ព្រោះលោក សំ កុសល តែងប្រើប្រាស់ឈ្មោះមេគយធំៗនៅខាងលើ ដើម្បីបិទបាំងទង្វើរបស់ខ្លួនយ៉ាងក្រអឺតក្រទម។ ក្នុងចំណោមឈ្មួញនាំចូលទំនិញគេចពន្ធ ទំនិញខុសច្បាប់ និងទំនិញបង់ពន្ធមិនគ្រប់ គឺឈ្មួញឈ្មោះ ចែហួង កំពុងធ្វើសកម្មភាពខ្លាំងក្លាជាងគេ ដោយសារអាងបង្អែករបស់លោក សំ កុសល ប្រធានសាខាគយខេត្តកោះកុង ធ្វើជាបង្អែកយ៉ាងរឹងមាំ។ប្រការនេះ គឺជារឿងដែលលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ មិនគួរមើលរំលងតទៅទៀតទេ ព្រោះលោក គុណ ញឹម ដែលជាអគ្គនាយគយ មិនហ៊ានប៉ះពាល់លោក សំ កុសល ទាល់តែសោះ។ជាងនេះទៅទៀត លោក ឱម យ៉ិនទៀង ប្រធានអង្គភាពប្រឆាំងអំពើពុករលួយ គួរបើកការស៊ើបអង្កេតឲ្យបានស៊ីជម្រៅលើរឿងអាស្រូវពុករលួយរបស់លោក សំ កុសល ប្រធានសាខាគយខេត្តកោះកុង ព្រោះករណីឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់តាមច្រកអន្តរជាតិចាំយាម និងច្រកកំពង់ផែជាច្រើនកន្លែងទៀត កំពុងធ្វើឲ្យបាត់បង់ចំណូលពន្ធរដ្ឋយ៉ាងច្រើនសន្ធឹកសន្ធាប់ក្នុងមួយខែៗផងដែរ៕
ចំនួនអ្នកទស្សនា
ព័ត៌មានគួរចាប់អារម្មណ៍
រកឃើញហើយជនរងគ្រោះ៥នាក់លង់ទឹកសមុទ្រនៅឆ្នេរជំទាវម៉ៅ ខាងក្រោមដើមឈើចាំស្នេហ៍ កាលពីរសៀលម្សិលមិញនោះ ក្រុមជួយសង្គ្រោះបានរកឃើញអស់ហើយ ក្នុងនោះស្លាប់៤នាក់ និងម្នាក់ទៀតសំណាងល្អរួចផុតពីគ្រោះថ្នាក់ដល់អាយុជីវិត។ (សហការី)
ពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិមន្រ្តីនគរបាលជាតិ...... (សហការី)
ឯកឧត្តម ឧត្តមសេនីយ៍ឯក ឯក សំអូនសមាជិកគណៈអចិន្ត្រៃយ៍ សមាគមអតីតយុទ្ធជនកម្ពុជា បានចូលរួមក្នុងកិច្ចប្រជុំគណៈអចិន្រ្តៃយ៍.ស.អ.ក ក្រោមអធិបតីភាពឯកឧត្តមនាយឧត្តមសេនីយ៍ គន់ គីមទេសរដ្ឋមន្រ្តីអនុប្រធានទីមួយនឹងជាអគ្គលេខាធិការ.ស.អ.ក កម្ពុជា (សហការី)
តើលោក ប៉ែន កុសល្យ អភិបាលខេត្តគិតយ៉ាងណាចំពោះលោកវ៉ាន់ ក្ដេរ គយច្រកអន្តរជាតិអូរស្មាច់កំពុងប្រព្រិត្តអំពើរពុករលួយ គាបសង្កត់ពលរដ្ឋនិងឃុបឃិតជាមួយក្រុមឈ្មួញឲ្យដឹកធ្យូងឆ្លងដែនខុសច្បាប់ចូលទៅក្នុងប្រទេសថៃព្រោះតែលាភសការះ (សហការី)
ជំនួបរវាងអ្នកសារព័ត៌មានជាមួយសម្តេចតេជោ ហ៊ុន សែន ក្នុងឆ្នាំនេះ នឹងអញ្ជើញរដ្ឋមន្ត្រីគ្រប់ក្រសួង និងសមាជិកឧត្តមក្រុមប្រឹក្សាពិគ្រោះ និងផ្តល់យោបល់ឱ្យចូលរួមដែរ (សហការី)
វីដែអូ