ថ្ងៃសុក្រ ទី១០ ខែកក្កដា ឆ្នាំ២០៥០
គេហទំព័រ ភីស៊ីអ៊ឹម ធីវីអនឡាញ | Tel: 096 54 9999 6 / 076 99999 83
ឯកឧត្តម ងួន រតនៈ អញ្ជើញចុះសំណេះសំណាលជាមួយបងប្អូនប្រជាពលរដ្ឋ ដែលមានបញ្ហាទំនាស់ដីធ្លី ក្នុងភូមិសាស្ត្រស្រុកគាស់ក្រឡ ខេត្តបាត់ដំបង
Fri,26 June 2020 (Time 04:11 PM)
ដោយ ៖ សហការី (ចំនួនអ្នកអាន: 80នាក់)

នៅព្រឹកថ្ងៃសុក្រ ៦កើត ខែអាសាឍ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី២៦ ខែមិថុនា ឆ្នាំ២០២០ ឯកឧត្តម ងួន រតនៈ អភិបាល នៃគណៈអភិបាលខេត្ត អមដំណើរដោយ លោក សឿម ប៊ុនរិទ្ធិ អភិបាលរង នៃគណៈអភិបាលខេត្តបាត់ដំបង ទទួលបន្ទុកបញ្ហាវិស័យដីធ្លី បានអញ្ជើញចុះសំណេះសំណាលជាមួយបងប្អូនប្រជាពលរដ្ឋ ចំនួន ២ ឃុំ គឺឃុំព្រះផុស ភូមិតានួត ចំណុចភ្នំស្នរ និងឃុំឆ្នាល់មាន់ ភូមិសំរោង ចំណុចដំណាក់ដង្កោ ដែលមានបញ្ហាទំនាស់ដីធ្លី ចំនួន ៣៣៥ ក្បាលដី ស្មើនឹងប្រមាណជាង ៣០០ គ្រួសារ ។

នៅក្នុងពិធីសំណេះសំណាលនោះក៏មានការអញ្ជើញចូលរួមពីលោកប្រធានមន្ទីររៀបចំដែន នគរូបនីយកម្ម សំណង់ និងសុរិយោដីខេត្ត លោកអភិបាលស្រុកគាស់ក្រឡ លោកមេឃុំ មេភូមិ និងបងប្អូនប្រជាពលរដ្ឋជាច្រើនរូបផងដែរ។

លោក ម៉ៅ សុចាន់ អភិបាល នៃគណៈអភិបាលស្រុកគាស់ក្រឡ បានឱ្យដឹងថា ក្រុមការងារជំនាញរបស់មន្ទីររៀបចំដែនដី បានធ្វើការវាស់វែងបញ្ហាទំនាស់ដីធ្លីទាំង ២ ចប់សព្វគ្រប់នាថ្ងៃទី១២ ខែឧសភា ឆ្នាំ២០២០មកម្លេះ ដោយមានចូលរួមពីបងប្អូនប្រជាពលរដ្ឋដែលទំនាស់ និងមន្ត្រីជំនាញ ហើយបានកំណត់អត្តសញ្ញាណកម្មក្បាលដី និងគ្រួសារ ព្រមទាំងបានធ្វើការរៀបចំសំណុំឯកសារបូកសរុបបញ្ជូនទៅថ្នាក់រួចរាល់ហើយផងដែរ។

ឯកឧត្តម ងួន រតនៈ ក៏ថ្លែងអំណរគុណចំពោះក្រុមការងារ ដែលមានលោក សឿម ប៊ុនរិទ្ធិ ជាអ្នកដឹកនាំសម្របសម្រួលជាមួយមន្ទីរ និងមន្ត្រីជំនាញដែលចុះអនុវត្តផ្ទាល់ ព្រមទាំងមានកិច្ចសហការណ៍គ្នាយ៉ាងល្អជាមួយអាជ្ញាធរមូលដ្ឋាន និងបងប្អូនប្រជាពលរដ្ឋផងដែរនោះ ទើបក្រុមការងារបានសម្រេចលទ្ធផលបានដូចជាការវាស់វែងកំណត់អត្តសញ្ញាណកម្មក្បាលដីបានចំនួន ៣៣៥ ក្បាលដី និងគ្រួសារប្រមាណជាង ៣០០ គ្រួសារនេះ។

ឯកឧត្តម អភិបាល នៃគណៈអភិបាលខេត្ត ក៏បានពន្យល់អំពីនីតិវិធីក្នុងដំណើរការនៃចុះបញ្ជីដីធ្លីលក្ខណៈជាប្រព័ន្ធ ជូនបងប្អូនប្រជាពលរដ្ឋ និងការស្នើសុំគោលការពីរាជរដ្ឋាភិបាលកម្ពុជា សម្រាប់ធ្វើការសម្បទានដីសង្គមកិច្ចជូនបងប្អូនប្រជាពលរដ្ឋក្នុងតំបន់នោះ។

ឯកឧត្តម ងួន រតនៈ ក៏បានផ្តាំផ្ញើដល់បងប្អូនប្រជាពលរដ្ឋកុំជឿលើកការញុះញុងពីជនអគតិមួយចំនួន និងសូមឱ្យមានជំនឿមកលើការដោះស្រាយរបស់អាជ្ញាធរមានសមត្ថកិច្ច និងការគ្រប់គ្រងរបស់រាជរដ្ឋាភិបាល ដែលមានសម្តេចតេជោ ហ៊ុន សែន ជានាយករដ្ឋមន្ត្រីផងដែរ។

ឱឆ្លៀតក្នុងឱកាសនោះដែរ ឯកឧត្តម អភិបាល នៃគណៈអភិបាលខេត្តបានក៏អញ្ជើញចុះពិនិត្យស្រះទឹក ស្ថិតក្នុងស្រុកគាស់ក្រឡ ដែលជាអំណោយដ៏ថ្លៃថ្លារបស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃផងដែរ៕

ចំនួនអ្នកទស្សនា

ថ្ងៃនេះ :
387 នាក់
ម្សិលមិញ :
417 នាក់
សប្តាហ៍នេះ :
2966 នាក់
ខែនេះ :
78425 នាក់
3 ខែនេះ :
111064 នាក់
សរុប :
456788 នាក់

ព័ត៌មានគួរចាប់អារម្មណ៍

ពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិមន្រ្តីនគរបាលជាតិ...... (សហការី)

ព័ត៌មានគួរចាប់អារម្មណ៍

ឯកឧត្តម ឧត្តមសេនីយ៍ឯក ឯក សំអូនសមាជិកគណៈអចិន្ត្រៃយ៍ សមាគមអតីតយុទ្ធជនកម្ពុជា បានចូលរួមក្នុងកិច្ចប្រជុំគណៈអចិន្រ្តៃយ៍.ស.អ.ក ក្រោមអធិបតីភាពឯកឧត្តមនាយឧត្តមសេនីយ៍ គន់ គីមទេសរដ្ឋមន្រ្តីអនុប្រធានទីមួយនឹងជាអគ្គលេខាធិការ.ស.អ.ក កម្ពុជា (សហការី)

ព័ត៌មានគួរចាប់អារម្មណ៍

តើលោក ប៉ែន កុសល្យ អភិបាលខេត្តគិតយ៉ាងណាចំពោះលោកវ៉ាន់ ក្ដេរ គយច្រកអន្តរជាតិអូរស្មាច់កំពុងប្រព្រិត្តអំពើរពុករលួយ គាបសង្កត់ពលរដ្ឋនិងឃុបឃិតជាមួយក្រុមឈ្មួញឲ្យដឹកធ្យូងឆ្លងដែនខុសច្បាប់ចូលទៅក្នុងប្រទេសថៃព្រោះតែលាភសការះ (សហការី)

ព័ត៌មានគួរចាប់អារម្មណ៍

ជំនួបរវាងអ្នកសារព័ត៌មានជាមួយសម្តេចតេជោ ហ៊ុន សែន ក្នុងឆ្នាំនេះ នឹងអញ្ជើញ​រដ្ឋមន្ត្រី​គ្រប់ក្រសួង និងសមាជិក​​ឧត្តមក្រុម​ប្រឹក្សាពិគ្រោះ និងផ្តល់យោបល់ឱ្យចូលរួមដែរ (សហការី)

ព័ត៌មានគួរចាប់អារម្មណ៍

លោក នង សុខុម ប្រធានការិយាល័យ​គយ និង​រដ្ឋាករ​បាវិត និង​មុន្ត្រីក្រោមឱវាទ​ព្រួត​ដៃ​គ្នា​ប្រព្រឹត្ត​អំពើ​ពុករលួយ..... (សហការី)

វីដែអូ