ខេត្តសៀមរាប ៖ ថ្ងៃសុក្រ ១១កើត ខែមាឃ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី១៥ ខែកុម្ភៈ ឆ្នាំ២០១៩ លោក សួង ហេង រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញចូលរួមក្នុងពិធីបើកសិក្ខាសាលាផ្សព្វផ្សាយសេចក្តីសម្រេច ស្តីពីការតែងតាំងសមាសភាពអង្គភាពថវិកា និងផ្សព្វផ្សាយផែនការ លទ្ធកម្មសម្រាប់ឆ្នាំ២០១៩ ដែលបានប្រព្រឹត្តទៅនៅខេត្តសៀមរាប ដោយមានការចូលរួមពីមន្ត្រីជាន់ខ្ពស់ក្រសួង គ្រូបង្គោលមកពីក្រសួងសេដ្ឋកិច្ចនិងហិរញ្ញវត្ថុ និងមន្ត្រីក្រោមឱវាទក្រសួង សរុបប្រមាណ ១៥០នាក់។សិក្ខាសាលានេះ ត្រូវបានរៀបចំឡើងក្នុងគោលបំណងផ្សព្វផ្សាយឱ្យបានទូលំទូលាយ ដើម្បីបង្កើនការយល់ដឹង ការគាំទ្រ និងការចូលរួមចំណែកយ៉ាងសកម្មពីគ្រប់អង្គភាពក្រោមឱវាទក្រសួងទាំងអស់។សិក្ខាសាលានេះផ្តោតជាសំខាន់ទៅលើសារាចរណែនាំស្តីពីការអនុវត្តថវិកាឆ្នាំ២០១៦ នីតិវិធីអនុវត្តថវិកាកម្មវិធី សិទ្ធិអំណាច និងការទទួលខុសត្រូវក្នុងការអនុវត្តថវិកាកម្មវិធី ការរៀបចំសៀវភៅថវិកាកម្មវិធី ការបែងចែកថវិកាតាមអង្គភាពថវិកា និងចលនាឥណទានថវិកាកម្មវិធី ការរៀបចំនិងការអនុវត្តកម្មវិធីចំណូល-ចំណាយ និងការត្រួតពិនិត្យតាមដានការអនុវត្តថវិកាកម្មវិធី នីតិវិធីនៃការរៀបចំផែនការ ថវិការបស់អង្គភាពថវិកា ផែនការលទ្ធកម្មឆ្នាំ២០១៩ នីតិវិធីនៃការធ្វើផែនការលទ្ធកម្ម និងរបាយការណ៍លទ្ធកម្មផងដែរ។ថ្លែងក្នុងសន្ទរកថាបើកលោករដ្ឋលេខាធិការបានគូសបញ្ជាក់អំពីសមិទ្ធផលកំណែទម្រង់នានា ដែលសម្រេចបានរបស់ក្រសួងដែលក្នុងនោះរួមមាន៖ ការប្តូរ និងពន្យារបណ្ណបើកបរ ការផ្តល់សេវាត្រួតពិនិត្យយានយន្តខុសលក្ខណៈបច្ចេកទេសនៅទូទាំងប្រទេសតាមប្រព័ន្ធស្វ័យប្រវត្តិកម្មដើម្បីបង្វិតសេវាឱ្យ គៀកទៅនឹងប្រជាពលរដ្ឋ និងការធ្វើកំណែទម្រង់កំពុងបន្តទាក់ទងនឹងការលុបចោលអង្គភាពកាំសាប ដើម្បីកាត់បន្ថយនីតិវិធីចំណាយលើការដឹកជញ្ជូនគោលបំណងទាក់ទាញវិនិយោគ បង្កើតការងារធ្វើជូនប្រជាពលរដ្ឋ។ក្នុងឱកាសនោះលោករដ្ឋលេខាធិការក៏បានជំរុញលើកទឹកចិត្តឱ្យសិក្ខាកាមទាំងអស់ខិតខំប្រឹងប្រែងយកចិត្តទុកដាក់ស្តាប់គ្រូពន្យល់ ដើម្បីក្រេបយកចំណេះដឹង បទពិសោធន៍ និងការអនុវត្តល្អៗ យកទៅអនុវត្ត នៅតាមអង្គភាពរៀងៗខ្លួនក្នុងការបង្កើនប្រសិទ្ធភាព និងប្រសិទ្ធផលការងាររបស់ខ្លួន៕
ចំនួនអ្នកទស្សនា
ព័ត៌មានគួរចាប់អារម្មណ៍
រកឃើញហើយជនរងគ្រោះ៥នាក់លង់ទឹកសមុទ្រនៅឆ្នេរជំទាវម៉ៅ ខាងក្រោមដើមឈើចាំស្នេហ៍ កាលពីរសៀលម្សិលមិញនោះ ក្រុមជួយសង្គ្រោះបានរកឃើញអស់ហើយ ក្នុងនោះស្លាប់៤នាក់ និងម្នាក់ទៀតសំណាងល្អរួចផុតពីគ្រោះថ្នាក់ដល់អាយុជីវិត។ (សហការី)
ពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិមន្រ្តីនគរបាលជាតិ...... (សហការី)
ឯកឧត្តម ឧត្តមសេនីយ៍ឯក ឯក សំអូនសមាជិកគណៈអចិន្ត្រៃយ៍ សមាគមអតីតយុទ្ធជនកម្ពុជា បានចូលរួមក្នុងកិច្ចប្រជុំគណៈអចិន្រ្តៃយ៍.ស.អ.ក ក្រោមអធិបតីភាពឯកឧត្តមនាយឧត្តមសេនីយ៍ គន់ គីមទេសរដ្ឋមន្រ្តីអនុប្រធានទីមួយនឹងជាអគ្គលេខាធិការ.ស.អ.ក កម្ពុជា (សហការី)
តើលោក ប៉ែន កុសល្យ អភិបាលខេត្តគិតយ៉ាងណាចំពោះលោកវ៉ាន់ ក្ដេរ គយច្រកអន្តរជាតិអូរស្មាច់កំពុងប្រព្រិត្តអំពើរពុករលួយ គាបសង្កត់ពលរដ្ឋនិងឃុបឃិតជាមួយក្រុមឈ្មួញឲ្យដឹកធ្យូងឆ្លងដែនខុសច្បាប់ចូលទៅក្នុងប្រទេសថៃព្រោះតែលាភសការះ (សហការី)
ជំនួបរវាងអ្នកសារព័ត៌មានជាមួយសម្តេចតេជោ ហ៊ុន សែន ក្នុងឆ្នាំនេះ នឹងអញ្ជើញរដ្ឋមន្ត្រីគ្រប់ក្រសួង និងសមាជិកឧត្តមក្រុមប្រឹក្សាពិគ្រោះ និងផ្តល់យោបល់ឱ្យចូលរួមដែរ (សហការី)
វីដែអូ