(ខេត្តកណ្តាល)៖ ប្រទេសកំពុងអភិវឌ្ឍន៍តែងតែមានផលប៉ះពាល់បរិស្ថានតិចតួចជារឿងជៀសមិនផុត។ជាមួយគ្នានោះ អាជ្ញាធរស្រុកខ្សាច់កណ្ដាល មិនគួរធ្មេចភ្នែកបណ្ដោយឲ្យ ឈ្មួញ៣នាក់ ធ្វើព្យុះធ្វើភ្លៀងនៅឃុំវិហារសួគ៌ និងសន្លុង តាមចិត្តនោះទេ ។ដោយឈ្មួញទាំងនោះ បានជីករណ្ដៅដីជ្រៅ បង្កហានីភ័យ ខ្លាចបាក់ដី អ្នកនៅជុំវិញ និងដឹកអាចម៍ដី ស្រោចទឹកមិនទៀងទាត់ ហុយប៉ះពាល់រំខានដល់ការរស់នៅ។ពលរដ្ឋនៅភូមិកណ្ដាល ឃុំសន្លុង ស្រុកខ្សាច់កណ្ដាល ខេត្តកណ្ដាល បានប្រាប់ ដើមរាំង ថារាល់ថ្ងៃមានគ្រឿងចក្រចំនួន(៣ក្រុមហ៊ុន) កំពុងធ្វើអាជីវកម្មស្របពេលគ្នា និងប្រកួតប្រជែង យ៉ាងអនាធិបតេយ្យ នៅភូមិរបស់ពួកគាត់។គ្រឿងចក្រទី១មានថៅកែឈ្មោះ ហុង ហួ ជាអ្នកមានប្រចាំភូមិសន្លុង។ថៅកែទី០២ ឈ្មោះ ឃាង គៀង នៅភូមិសន្លុងដូចគ្នា ឯថៅកែទី០៣មានឈ្មោះ រឿន វណ្ណៈ ។ហើយរាល់ថ្ងៃក្រុមហ៊ុនទាំងបីនេះបានធ្វើការដឹកជញ្ជូនឥតឈប់ ជាហេតុនាំឲ្យពលរដ្ឋ ភ័យខ្លាចរឿងគ្រោះថ្នាក់ចរាចរណ៍កើតមានជាយថាហេតុ។ក្នុងនោះពលរដ្ឋព្រួយបារម្ភ ជាខ្លាំង ចំពោះកូនចៅខ្លួនក៏ដូចជាសត្វពាហនៈ គោក្របីមាន់ទាជ្រូក ព្រោះខ្លាចធ្លាក់ចូលរណ្ដៅដី ចំនួនបីកន្លែង នៅខាងកើត ក្រោយភូមិរបស់ពួកគាត់ប្រហែលជាង១០០ម៉ែត្រ។ដែលមានជម្រៅជ្រៅចាប់ពី១០ទៅ២០ម៉ែត្រ និយាយរួមឃើញក្បាលប្រេតតែម្ដង រណ្ដៅខ្លះចេញទឹកពីក្នុងដីក៏មាន។ហើយបើធ្លាក់ចូលគឺមិនរស់ទេ កុំថាតែមនុស្ស សូម្បីសត្វក៏ស្លាប់ដែរ ប្រសិនជាបញ្ហានេះកើតមានមែន តើនរណាជាអ្នកទទួលខុសត្រូវ?។មិនតែប៉ុណ្ណោះ អ្នកមានដីនៅជុំវិញរណ្ដៅនិមួយៗ កុំពុងជួបហានីភ័យខ្ពស់រឿងបូមទឹកដាក់ស្រែមិននៅ។ជាពិសេសនៅពេលរដូវភ្លៀងមកដល់ប្រាកដជា ហូរច្រោះបាក់ដី ចូលរណ្ដៅមិនខានឡើយ! ។ប្រភពដដែលបន្តថា រាល់ថ្ងៃនេះក្រុមឈ្មួញទាំងនោះ ធ្វើការដឹកជញ្ជូនយកអាចម៍ដីពីរណ្ដៅ គឺមិនបានគ្របឲ្យត្រឹមត្រូវឡើយ។រីឯការស្រោចទឹកក៏មិនទៀងទាត់បង្កទៅជាដីហុយទ្រលោម ប៉ះពាល់រំខានដល់ការរស់នៅជាខ្លាំង។ខណៈពេលពួកគាត់មកពីធ្វើការនើយហត់ត្រូវការសំរាកក៏មិនបាន ព្រោះថ្លង់ឡានបើកបរមិនឈប់ ជាងនេះទៅទៀតគឺដីហុយពេលញ៉ាំបាយតែម្ដង។ចំពោះថៅកែគ្រឿងចក្រទាំងបីខាងលើ ដើមរាំង មិនអាចសុំការបកស្រាយបានទេ។ប៉ុន្តែលោក ប៊ុន ផេង អភិបាលស្រុកខ្សាច់កណ្តាលបានឲ្យដឹងថា ចុចចូលតែគ្មានអ្នកលើក។រីឯលោក ហួត ហាក់ មន្ត្រីរ៉ែនិងថាមពល ស្រុកខ្សាច់កណ្តាលបានឲ្យដឹងថា ចាំថ្ងៃចន្ទនិងអង្គារចាំទៅមើល៕
ចំនួនអ្នកទស្សនា
ព័ត៌មានគួរចាប់អារម្មណ៍
រកឃើញហើយជនរងគ្រោះ៥នាក់លង់ទឹកសមុទ្រនៅឆ្នេរជំទាវម៉ៅ ខាងក្រោមដើមឈើចាំស្នេហ៍ កាលពីរសៀលម្សិលមិញនោះ ក្រុមជួយសង្គ្រោះបានរកឃើញអស់ហើយ ក្នុងនោះស្លាប់៤នាក់ និងម្នាក់ទៀតសំណាងល្អរួចផុតពីគ្រោះថ្នាក់ដល់អាយុជីវិត។ (សហការី)
ពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិមន្រ្តីនគរបាលជាតិ...... (សហការី)
ឯកឧត្តម ឧត្តមសេនីយ៍ឯក ឯក សំអូនសមាជិកគណៈអចិន្ត្រៃយ៍ សមាគមអតីតយុទ្ធជនកម្ពុជា បានចូលរួមក្នុងកិច្ចប្រជុំគណៈអចិន្រ្តៃយ៍.ស.អ.ក ក្រោមអធិបតីភាពឯកឧត្តមនាយឧត្តមសេនីយ៍ គន់ គីមទេសរដ្ឋមន្រ្តីអនុប្រធានទីមួយនឹងជាអគ្គលេខាធិការ.ស.អ.ក កម្ពុជា (សហការី)
តើលោក ប៉ែន កុសល្យ អភិបាលខេត្តគិតយ៉ាងណាចំពោះលោកវ៉ាន់ ក្ដេរ គយច្រកអន្តរជាតិអូរស្មាច់កំពុងប្រព្រិត្តអំពើរពុករលួយ គាបសង្កត់ពលរដ្ឋនិងឃុបឃិតជាមួយក្រុមឈ្មួញឲ្យដឹកធ្យូងឆ្លងដែនខុសច្បាប់ចូលទៅក្នុងប្រទេសថៃព្រោះតែលាភសការះ (សហការី)
ជំនួបរវាងអ្នកសារព័ត៌មានជាមួយសម្តេចតេជោ ហ៊ុន សែន ក្នុងឆ្នាំនេះ នឹងអញ្ជើញរដ្ឋមន្ត្រីគ្រប់ក្រសួង និងសមាជិកឧត្តមក្រុមប្រឹក្សាពិគ្រោះ និងផ្តល់យោបល់ឱ្យចូលរួមដែរ (សហការី)
វីដែអូ