យកតួនាទីជាប៉ូលីស ដើរបោកអ្នកចង់រត់ការចូលក្របខណ្ឌ ដោយបង់ម្នាក់អស់១មុឺនដុល្លារចៅក្រមសាលាដំបូងខេត្តបាត់ដំបង បានចេញដីកាសម្រេចឃុំខ្លួនមន្ត្រីប៉ូលិសម្នាក់ដាក់ពន្ធនាគារជាបណ្ដោះអាសន្ន ក្រោមការចោទប្រកាន់ពីបទឆបោក ពាក់ព័ន្ធករណីឆបោកតាមរូបភាពជ្រើសរើសមន្ត្រីប៉ូលិស ដោយមិនបាច់ប្រលង។ជនឆបោកនេះ ឈ្មោះ ស៊ិន សោម អាយុ៤៦ឆ្នាំ រស់នៅភូមិដូង ឃុំបឹងរាំង ស្រុកកំរៀង ត្រូវបានកម្លាំងនគរបាលផ្នែកអនុវត្តដីកា តាមចាប់ខ្លួនបានដល់ស្រុកពញាក្រែក ខេត្តត្បូងឃ្មុំ កាលពីថ្ងៃទី១៥ខែមិនា ឆ្នាំ២០១៩។តំណាងអយ្យការអមសាលាដំបូងខេត្តបាត់ដំបង បានចោទប្រកាន់ជន ឈ្មោះ ស៊ិន សោម នេះ ពីបទឆបោក ដែលប្រព្រឹត្តនៅភូមិដូង ឃុំបឹងរាំង ស្រុកកំរៀង ក្នុងអំឡុងខែវិច្ឆិកា ឆ្នាំ២០១៨ កន្លងទៅ ។សមត្ថកិច្ចបានឲ្យដឹងថា កន្លងមក ជននេះ និងបក្សពួកដែលជាមន្ត្រីនគរបាល បានដើរបំផុសជ្រើសរើសមនុស្សឲ្យចូលក្របខ័ណ្ឌនគរបាលជាតិ ដោយមិនបាច់ប្រលង តែត្រូវបង់លុយក្នុងម្នាក់១ម៉ឺនដុល្លារ គឺអាចជាប់ក្របខ័ណ្ឌនគរបាលដោយស្វ័យប្រវត្តិ១០០%។ប៉ុន្តែក្រោយពីជ្រើសរើស និងប្រមូលលុយបានរាប់សិបម៉ឺនដុល្លារ ជនទុច្ចរិតនេះ ស្ពាយរត់គេចខ្លួនបាត់ឈឹងតែម្ដង។ បើតាមប្រភពពីសមត្ថកិច្ចបានឲ្យដឹងថា លុយដែលជននេះ និងបក្សពួកបោកបានយ៉ាងតិចជិតកន្លះលានដុល្លារ។ ព្រោះជននេះបានដើរជ្រើសរើសមនុស្សចូលនគរបាលមានច្រើនខេត្តណាស់។ក្រោយចាប់ខ្លួន ជននេះ បានឆ្លើយសារភាពថា លុយដែលឆបោកបាននោះ ខ្លួនយកទៅលេងល្បែងកាស៊ីណូនៅព្រំដែន យកទៅវៀតណាមអស់ហើយ។ទោះយ៉ាងណា ចៅក្រមស៊ើបសួរសាលាដំបូងខេត្ត បានសម្រេចចេញដីកាឃុំខ្លួនជននេះ នៅក្នុងគុកជាបណ្ដោះអាសន្នហើយនៅថ្ងៃទី១៨មីនានេះ៕
ចំនួនអ្នកទស្សនា
ព័ត៌មានគួរចាប់អារម្មណ៍
រកឃើញហើយជនរងគ្រោះ៥នាក់លង់ទឹកសមុទ្រនៅឆ្នេរជំទាវម៉ៅ ខាងក្រោមដើមឈើចាំស្នេហ៍ កាលពីរសៀលម្សិលមិញនោះ ក្រុមជួយសង្គ្រោះបានរកឃើញអស់ហើយ ក្នុងនោះស្លាប់៤នាក់ និងម្នាក់ទៀតសំណាងល្អរួចផុតពីគ្រោះថ្នាក់ដល់អាយុជីវិត។ (សហការី)
ពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិមន្រ្តីនគរបាលជាតិ...... (សហការី)
ឯកឧត្តម ឧត្តមសេនីយ៍ឯក ឯក សំអូនសមាជិកគណៈអចិន្ត្រៃយ៍ សមាគមអតីតយុទ្ធជនកម្ពុជា បានចូលរួមក្នុងកិច្ចប្រជុំគណៈអចិន្រ្តៃយ៍.ស.អ.ក ក្រោមអធិបតីភាពឯកឧត្តមនាយឧត្តមសេនីយ៍ គន់ គីមទេសរដ្ឋមន្រ្តីអនុប្រធានទីមួយនឹងជាអគ្គលេខាធិការ.ស.អ.ក កម្ពុជា (សហការី)
តើលោក ប៉ែន កុសល្យ អភិបាលខេត្តគិតយ៉ាងណាចំពោះលោកវ៉ាន់ ក្ដេរ គយច្រកអន្តរជាតិអូរស្មាច់កំពុងប្រព្រិត្តអំពើរពុករលួយ គាបសង្កត់ពលរដ្ឋនិងឃុបឃិតជាមួយក្រុមឈ្មួញឲ្យដឹកធ្យូងឆ្លងដែនខុសច្បាប់ចូលទៅក្នុងប្រទេសថៃព្រោះតែលាភសការះ (សហការី)
ជំនួបរវាងអ្នកសារព័ត៌មានជាមួយសម្តេចតេជោ ហ៊ុន សែន ក្នុងឆ្នាំនេះ នឹងអញ្ជើញរដ្ឋមន្ត្រីគ្រប់ក្រសួង និងសមាជិកឧត្តមក្រុមប្រឹក្សាពិគ្រោះ និងផ្តល់យោបល់ឱ្យចូលរួមដែរ (សហការី)
វីដែអូ