ខេត្តសៀមរាប៖តាមសម្ដីរបស់ប្រជាពលរដ្ឋរាយការណ៍ មកអង្គភាពសារព័ត៌មាន (គេហទំព័រមេគង្គខ្មែរ)យើងខ្ញុំថា មានល្បែងភ្នាល់ស៊ីសង មាន់ទូរទស្សន៍អនឡាញ ខុសច្បាប់ជាច្រើនកន្លែង នៅក្នុងក្រុងសៀមរាបខេត្តសៀមរាប ។

ក្រោយពីបាន ទទួលព័ត៌មាននេះភ្លាម អង្គភាពយើងខ្ញុំ ក៏បានដាក់ភ្នាក់ងារ សារព័ត៌មាន ចុះទៅដល់ទីតាំង នៅក្នុងទឹកដីក្រុងសៀមរាបខេត្តសៀមរាបភ្លាម ពេលភ្នាក់ងាររបស់យើងចុះទៅដល់ទីតាំង ឃើញថាមានល្បែងស៊ីសងជាច្រើនកន្លែងមែន ដូចអ្វីដែលប្រជាពលរដ្ឋរាយការណ៍មុខអង្គភាពសារព័ត៌មានយើងខ្ញុំ
តាមសេចក្តីរាយការណ៍ របស់បងប្រុសម្នាក់ ដោយមិនបញ្ចេញឈ្មោះ បានរៀបរាប់ប្រាប់អង្គភាពសារព័ត៌មានយើងខ្ញុំថា ល្បែងស៊ីសង មាន់ជល់ទូរទស្សន៍អនឡាញ លេងភ្នាល់ដាក់លុយធំៗណាស់ ហើយមួយថ្ងៃមួយថ្ងៃ អ្នកដែលមានល្បែងទាំងនោះ ហូរកញ្ជ្រាវលាន់លឺយ៉ាងទ្រហឹង អ្នកខ្លះឈ្នះធ្វើមុខសប្បាយ អ្នកខ្លះចាញ់វិញនោះ ធ្វើមុខយ៉ាងក្រញូវ រួចទៅដល់ផ្ទះវិញ ឈ្លោះប្រកែកជាមួយប្រពន្ធកូន មានអ្នកខ្លះទៀត វាយប្រពន្ធកូនដោយសារតែចាញ់ល្បែងផងដែរ រីឯអាជ្ញាធរនៅក្នុងទឹកដី មិនដែលហ៊ានចុះមកបង្ក្រាបនោះទេ បងប្រុសបានបន្តទៀតថា បើល្បែងស៊ីសងរីកដូចផ្សិតបែបនេះ តើភូមិឃុំមានសុវត្ថិភាពនៅចំណុចណា។

ហើយអង្គភាពយើងខ្ញុំក៏បានរាយការណ៍ ជូនលោកមេប៉ុស្តិ៍ នឹងលោក អធិការក្រុងរួចមកហើយ តែលោក អធិការក្រុងមិនហ៊ានបង្ក្រាបទីតាំង ល្បែងស៊ីសង មាន់ជល់តាមទូរទស្សន៍ Online នោះទេព្រោះសង្ស័យ ខ្លាចអំណាចលោកខ្លាហើយមើលទៅ។

ដោយហេតុនេះពលរដ្ឋស្នើសុំដល់លោកឧត្តមសេនីយ៍ទោ តេង ច័ន្ទណាត ស្នងការដ្ឋាននគរបាលខេត្តសៀមរាបមេត្តាជួយដាក់កម្លាំងចុះត្រួតពិនិត្យផងទាន។