ថ្ងៃច័ន្ទ ទី១៧ ខែមិថុនា ឆ្នាំ២០៥០
គេហទំព័រ ភីស៊ីអ៊ឹម ធីវីអនឡាញ | Tel: 096 54 9999 6 / 076 99999 83
ធ្លាយថា មន្ត្រីគយច្រកបន្ទាយចក្រី កំណត់យកលុយពីរថយន្តដឹកស្វាយ ក្នុង១ជើង១លានរៀល!
Sat,23 March 2024 (Time 03:34 PM)
ដោយ ៖ សហការី (ចំនួនអ្នកអាន: 162នាក់)

(ព្រៃវែង)៖ ក្រុមអាជីវករដែលប្រកបមុខរបរ ដើរប្រមូលទិញផ្លែស្វាយពីកសិករ ដើម្បីដឹកជញ្ជូនទៅលក់នៅប្រទេសវៀតណាម តាមច្រកទ្វារព្រំដែនអន្តរជាតិបន្ទាយចក្រី ស្រុកព្រះស្ដេច ខេត្តព្រៃវែង.!។
-បានត្អូញត្អែរថា ពិបាកណាស់រកស៊ីសព្វថ្ងៃទីផ្សារសេរី ទិញលក់ប្រកួតប្រជែងគ្នា ណាមួយត្រូវចំណាយលើ កម្មករលើកដាក់ផ្លែស្វាយ និងសោហ៊ុយ ដឹកជញ្ជូនអស់ជាច្រើន..!។
បន្ថែមពីនេះទៀត ពួកខ្លួនក៏ត្រូវបង់លុយ ឱ្យមន្រ្តីគយប្រចាំច្រកទ្វារព្រំដែនអន្តរជាតិបន្ទាយចក្រី អស់ចាប់ពី៦៥ម៉ឺនរៀល ទៅ១លានរៀល ក្នុង១ជើងៗ យ៉ាងទៀងទាត់ទៀតផង..!។
-ប៉ុន្តែករណីនេះត្រូវលោក ហង្ស វណ្ណ ប្រធានការិយាល័យ គយនិងរដ្ឋាករ ច្រកទ្វារព្រំដែនអន្តរជាតិបន្ទាយចក្រី បដិសេធចោល..!។
ទាក់ទិនរឿងរ៉ាវនេះ អាជីវករម្នាក់ ដែលតែងតែដឹកផ្លែស្វាយ ទៅលក់ឱ្យឈ្មួញវៀតណាម តាមច្រកទ្វារព្រំដែនអន្តរជាតិបន្ទាយចក្រី ដោយប្រើរថយន្តចំណុះ៥តោន! ។
បានអះអាងថា ជារៀងរាល់លើក ដែលខ្លួនដឹកផ្លែស្វាយ ទៅលក់ឱ្យឈ្មួញវៀតណាម ។
គឺត្រូវបង់លុយឱ្យ មន្ត្រីគយនិងរដ្ឋាករ ច្រកទ្វារព្រំដែនអន្តរជាតិបន្ទាយចក្រី ចំនួន៦៥ម៉ឺនរៀល ក្នុង១ជើងជាកំហិត..!។
អាជីវករម្នាក់ទៀត ក៏បានលើកឡើងដែរថា សម្រាប់រថយន្ត(វេអង)ដឹកផ្លែស្វាយ ទៅលក់ឱ្យឈ្មួញវៀតណាម១ជើង ។
គឺត្រូវបង់លុយឱ្យ មន្ត្រីគយច្រកទ្វារព្រំដែនអន្តរជាតិបន្ទាយចក្រី ចំនួន១លានរៀលយ៉ាងទៀងទាត់!។
ប្រភពដដែលបញ្ជាក់ថា រាល់ការបង់លុយរបស់ពួកខ្លួន មកឱ្យមន្ត្រីគយច្រកទ្វារព្រំដែនអន្តរជាតិបន្ទាយចក្រី ដូចចំនួនខាងលើ!។
គឺពុំដែលមានក្រដាសស្នាម ចុងសន្លឹក ឬវិក្កយបត្រ បង់ពន្ធចូលរដ្ឋអ្វីឡើយ។
ជាក់ស្ដែងៈ អាជីវករនីមួយៗ សុទ្ធតែបានប្រគល់លុយផ្ទាល់ដៃ និងបង់លុយចូលហោប៉ាវ មន្ត្រីគយ ដោយស្ងាត់ៗ..!។
មិនថា តែរថយន្តដឹកផ្លែស្វាយប៉ុណ្ណោះទេ ក្នុងនោះ សូម្បីរថយន្តដឹកស្រូវ ក៏មន្ត្រីគយច្រកទ្វារព្រំដែនអន្តរជាតិបន្ទាយចក្រី មិនលើកលែងដែរ ។
ដោយតម្រូវឱ្យ បង់លុយចូលហោប៉ាវ ចំនួន១០.០០០រៀល ក្នុង១ជើងជាកំហិត..!។
ស្របពេលដែលមួយថ្ងៃៗ មានរថយន្តដឹកស្រូវ និងរថយន្តដឹកផ្លែស្វាយ រាប់សិបគ្រឿង សម្រុកដឹកជញ្ជូន ទៅលក់ឱ្យឈ្មួញវៀតណាម តាមច្រកទ្វារព្រំដែនអន្តរជាតិមួយនេះ!។
-ជាហេតុនាំឱ្យលោក ហង្ស វណ្ណ ប្រធានការិយាល័យ គយនិងរដ្ឋាករ ច្រកទ្វារព្រំដែនអន្តរជាតិបន្ទាយចក្រី ។
អាចក្ដោបសេដ្ឋកិច្ច ប្រមូលលុយក្រៅប្រព័ន្ធច្បាប់ បានរាប់សិបលានរៀលក្នុង១ថ្ងៃៗ ក្រោមរូបភាព ត្រួតពិនិត្យ រាល់ទំនិញចេញចូលឆ្លងដែន ដោយមិនមានការបង់ពន្ធនិងពន្ធមិនគ្រប់….។
-ឆ្លើយតបនិងការចោទប្រកាន់ខាងលើ នៅរសៀលទី២៣.០៣.២០២៤ លោក ហង្ស វណ្ណ ប្រធានការិយាល័យ គយនិងរដ្ឋាករ ច្រកទ្វារព្រំដែនអន្តរជាតិបន្ទាយចក្រី.!។
បានថ្លែងប្រាប់«ដើមរាំង»ថា គ្មាននរណាល្ងង់ បង់លុយឱ្យយើងនោះទេ ព្រោះជាកសិផលនាំចេញ..!។
លោក ហង្ស វណ្ណ បន្តថា យើងមានតែលើកទឹកចិត្ត ឱ្យពលរដ្ឋនាំចេញឱ្យបានច្រើន! ។

-ករណីនេះកាលពីកន្លងទៅលោក អ៊ុំ ប៉ូល័ក្ខ ប្រធានស្នាក់ការត្រួតពិនិត្យនៃច្រកទ្វារព្រំដែនអន្តរជាតិបន្ទាយចក្រី.ក៏បានថ្លែងបដិសេធ ស្រដៀងគ្នានឹងលោក ហង្ស វណ្ណ ដែរ។
យ៉ាងណាក៏ដោយ អាជីវករអ្នកដឹកស្រូវ ក៏ដូចជាអ្នកដឹកផ្លែស្វាយ ទៅលក់ឱ្យឈ្មួញវៀតណាម ដោយឆ្លងកាត់ច្រកទ្វារព្រំដែនអន្តរជាតិបន្ទាយចក្រី។
សូមស្នើយ៉ាងទទូចដល់ ឯកឧត្ដម គុណ ញឹម អគ្គនាយកដ្ឋាន គយនិងរដ្ឋាករកម្ពុជា និងឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ មេត្តាចាត់វិធានការទប់ស្កាត់ កុំឱ្យមានការយកលុយ ពីរថយន្តដឹកស្រូវ និងរថយន្តដឹកផ្លែស្វាយ តទៅទៀត និងសូមឱ្យស្រាវជ្រាវ ពីភាពមិនប្រក្រតីមួយចំនួន….!។
-ដូចជា ការយកលុយពីអាជីវករ ដែលនាំចូល ជី.កសិកម្ម-ស្រូវពូជវៀតណាម ថ្នាំពុលកសិកម្ម.ទំនិញ អីវ៉ាន់ចាប់ហួយ គ្រឿងបន្លាស់កង់ម៉ូតូ.គ្រឿងបន្លាស់(ត្រាក់ទ័រ-ម៉ាស៊ីនច្រូតស្រូវ)និងសម្ភារៈអគ្គិសនី(ខ្សែភ្លើង.អំពូល.កង្ហារ)រួមនិងបន្លែ ផ្លែឈើ ត្រីសាច់ ពងមាន់.ពងទា ។
ដែលអាជីវករ ដឹកជញ្ជូនចេញចូល ពីវៀតណាមមកកម្ពុជា និងពីកម្ពុជាទៅវៀតណាម តាមច្រកទ្វារព្រំដែនអន្តរជាតិបន្ទាយចក្រី ដោយប្រើរថយន្តធុនធំ រថយន្តធុនតូច រួមនិងរ៉ឺម៉កម៉ូតូ៕

ចំនួនអ្នកទស្សនា

ថ្ងៃនេះ :
244 នាក់
ម្សិលមិញ :
312 នាក់
សប្តាហ៍នេះ :
2509 នាក់
ខែនេះ :
10666 នាក់
3 ខែនេះ :
37039 នាក់
សរុប :
1185849 នាក់

ព័ត៌មានគួរចាប់អារម្មណ៍

រកឃើញហើយជនរងគ្រោះ៥នាក់លង់ទឹកសមុទ្រនៅឆ្នេរជំទាវម៉ៅ ខាងក្រោមដើមឈើចាំស្នេហ៍ កាលពីរសៀលម្សិលមិញនោះ ក្រុមជួយសង្គ្រោះបានរកឃើញអស់ហើយ ក្នុងនោះស្លាប់៤នាក់ និងម្នាក់ទៀតសំណាងល្អរួចផុតពីគ្រោះថ្នាក់ដល់អាយុជីវិត។ (សហការី)

ព័ត៌មានគួរចាប់អារម្មណ៍

ពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិមន្រ្តីនគរបាលជាតិ...... (សហការី)

ព័ត៌មានគួរចាប់អារម្មណ៍

ឯកឧត្តម ឧត្តមសេនីយ៍ឯក ឯក សំអូនសមាជិកគណៈអចិន្ត្រៃយ៍ សមាគមអតីតយុទ្ធជនកម្ពុជា បានចូលរួមក្នុងកិច្ចប្រជុំគណៈអចិន្រ្តៃយ៍.ស.អ.ក ក្រោមអធិបតីភាពឯកឧត្តមនាយឧត្តមសេនីយ៍ គន់ គីមទេសរដ្ឋមន្រ្តីអនុប្រធានទីមួយនឹងជាអគ្គលេខាធិការ.ស.អ.ក កម្ពុជា (សហការី)

ព័ត៌មានគួរចាប់អារម្មណ៍

តើលោក ប៉ែន កុសល្យ អភិបាលខេត្តគិតយ៉ាងណាចំពោះលោកវ៉ាន់ ក្ដេរ គយច្រកអន្តរជាតិអូរស្មាច់កំពុងប្រព្រិត្តអំពើរពុករលួយ គាបសង្កត់ពលរដ្ឋនិងឃុបឃិតជាមួយក្រុមឈ្មួញឲ្យដឹកធ្យូងឆ្លងដែនខុសច្បាប់ចូលទៅក្នុងប្រទេសថៃព្រោះតែលាភសការះ (សហការី)

ព័ត៌មានគួរចាប់អារម្មណ៍

ជំនួបរវាងអ្នកសារព័ត៌មានជាមួយសម្តេចតេជោ ហ៊ុន សែន ក្នុងឆ្នាំនេះ នឹងអញ្ជើញ​រដ្ឋមន្ត្រី​គ្រប់ក្រសួង និងសមាជិក​​ឧត្តមក្រុម​ប្រឹក្សាពិគ្រោះ និងផ្តល់យោបល់ឱ្យចូលរួមដែរ (សហការី)

វីដែអូ